東洋追楓手記之三

11月31日星期五，天末光，雙煞經己起床換衫, 匆匆吃完早餐, 然後用咗15分鐘左右趕到阪急梅田駅, 終於趕上07:30開往京都河源町的快急列車. 為乜晨早趕車呢? 且聽下回分解.

雙 煞係又悶又焗嘅車廂內睡了一陣, 到達河源町經已是08:15. 一行出地面, "嘩差人做嘢, 前面架46號巴士咪走啊! "個司機雖然唔識廣東話, 但是被雙煞氣勢嚇到呆咗, 雙煞得以趕上班車. 幾分鐘後, 在"知恩院前" 車站落車, 相信去過京都的網友己經估到雙煞今次的目的地是: 超人氣店鋪" 一澤信三郎帆布".

注:由於"一澤"並冇分店，生產的帆布袋是全人 手製造, 永久保用, 所以成為又實用又有紀念價值的京都手信. 可惜因為產量有限, 商店規定每人限買兩隻, 賣完即止.雙殺當然唔想空手而回，唯有比營業時間早30分鐘(即08:30)到達, 好好彩,可能是平日的關系, 排隊的人不算多, 可以成為第一批入去買貨的顧客. (p.s. 由於店鋪面積較細, 所以每次只容許20人入內)

左挑右選，終於買完，成功!步出商店經己09:30有多，人龍依然好長，各位慢慢等啦!
走先記得漏o左影相添, 只好影o下戰利品俾個位網友恨o下啦.


雙殺收拾好戰利品，搭巴士去平安神宮。平安神宮排列整齊的朱紅色大柱和廣闊的庭園再加上燦爛的陽光以及清新的空氣, 一掃心中的悶氣! 趁遊客唔多先謀殺住啲菲林先.




告 別神宮，11點幾，先去位於銀閣寺附近"鎰富弘" 醫肚., 佢哋嘅蕎麥面真係幾好味. 食飽飽後散吓步先, 大約行咗10分鐘左右的腳程就到了銀國寺. 途經"哲學之道"的起步點. 黑紅雙煞被頭頂上的一片光禿禿的枯枝所嚇呆了, 書籍所介紹的充滿浪漫氣氛的哲學之道去了哪裡? 雙煞只好懷著失望的心情繼續前進.



睇 住呢張相千萬唔好話小石頭扮o野-甚麼後現代攝影......, 只不過請留意倒影中的枯枝, 因為去遲了半個月, 成條扮哲學之道變了禿樹之道. 小石頭當堂無心機, 唯有影o下落葉同枯枝的倒影囉. 所以如果時間許可, 喜歡追楓的網友們最好於十月初至十一月中去日本. 否則學o下小石頭影o下枯枝, 落葉都OK. 如果要睇今年日本楓葉開的情況可以
瀏覽漒以下網址: http://www.rurubu.com/season/autumn/koyo/

通過一條籬笆小道後雙煞進入了另一個世界: 銀國寺. 銀國寺是仿照金國寺而建, 其庭園的"向月台"-布丁狀沙堆在陽光映照下會閃閃生光, 真是十分特別. 在山腰上的展望台可俯瞰銀國寺全景, 在紅葉襯托下真是十分美麗.


離 開銀國寺才是1點了, 原本照計劃要行的哲學之道因景色改變要取消以轉戰清水寺. 搭巴士在四條河源町下車, 由衹園作為起點行經知恩院, 円山公園, 高台寺, 在途中看見得意的南瓜雪糕, 忍不住買了一個試一下, 真是原汁原味的南瓜. 然後繼續拖住疲憊的身軀行上二連坂, 二寧坂兩旁的吸血商店令到無數遊客心甘命抵地將金錢奉上. 在三點左右終於到達我們今天的終極目標: 清水寺了!


據探子黑煞 從售票處得到的情報: 夜遊清水寺的門票要到4:45分後才有售.還有兩個小時的時間要如何打發呢? 由於重裝備在身再加上個多小時的上山行程, 雙煞已經透支了, 只有坐在冰冷的石椅上, 圍上頸巾, 戴上冷帽, 穿上手套, 一邊吃住只有幾度的西北風, 一邊欣賞京都的黃昏景色, 等待夜幕的降臨.



時 間一分一秒的過去, 在清水寺的門前和斜坡的大街上經已被希望夜觀清水寺的人擠了水泄不通. 就好像香港7.1.大遊行一樣非常壯觀. 而身為香港一份子的雙煞, 理所當然地位列前茅. 終於開售門票了, 所有遊客一蜂地湧向入夜後的清水寺. 紅葉和寺院的建築物在射燈的映照下顯得份外迷人. 為免影響夜觀沿途只有淡淡的引路燈指引路途, 雖然如此遊客們都雙眼向天, 雙手高舉(當然不是投降了)拿住手機和相機將如此美景留下紀念的一刻.


一路順住人潮向前行, 接近尾聲時, 肚子開始咕咕作響. 只好在清水寺內的一間餐廳叫了一碗烏東和一桶熱呼呼的豆腐. 真窩心! 真好味!


依依不舍告別清水寺跳上滿載乘客的巴士, 去到河源町一帶. 吃過雜誌推薦的一錢洋吃, 似乎廚師大人落手重咗啲, 味道真是超咸啊!順便行埋花見小路, 真是頂唔順啦, 雙煞只好回歸大阪第一酒店, 明天再見!

東洋追楓手記之二

由於情報顯示11月30日京都嵯峨野小火車只剩即場發售的車票, 所以晨咁早雙煞吃完早餐, 07:15經已出發去京都啦! 大約08:50到達嵯峨野小火車站, 買到09:28出發的指定席, 開心到飛起! 有空檔時間就係附近影返幾張相先!


時 間差唔多，去搭小火車囉!嘩!邊處來咁多人呀!以為返大陸逼火車添, 真係逼爆月台! 唔理咁多啦! 同火車頭影將相先! 嗚!嗚! 開車啦! 每當能夠近距離觀看滿山遍野的楓葉時, 所有車上的乘客就忍唔住嘩嘩聲. 就算有位座都企曬起身, 不惜工本起勢咁影. 影影吓話咁快就到終點站龜岡啦! 落車時在月台有個長鼻天狗同大家影吓相, 跟住係乘客區俾人逼逼吓就出咗車站啦!


遊完龜岡山, 搭JR返去嵯峨野駅開始嵐山之旅囉! 一出站就跟住人潮往外行, 中途見人排隊買小吃, 雙煞又跟住排, 啲炸物又平又好味, 而家想起都留口水! 沿途街道兩旁的食店和手信商店超多, 精美的包裝令人忍不住大破慳囊. 路上車水馬龍, 十分熱鬧. 渡月橋, 天龍寺, 竹林小道, 常寂光寺, 二尊寺等等名勝古跡內鋪天蓋地都是紅橙黃綠色的楓葉, 真是浪漫啊! 行行吓天色開始陰沉, "嘩!落雨啦! 黑煞不如我哋走囉! 出發往大阪港, 好嗎? 好啊! 再見啦嵐山!"






由 於要到JR京都駅轉車, 16:00左右雙煞才有時間到京都駅10/F的寶屋吃拉面, 嘩! 濃郁的豬骨湯底加埋入口即溶的叉燒, 重有半隻糖心蛋嘅真是好好味啊! (有D睇天才小廚師嘅Feel). 食飽飽才有力繼續行程, 出發囉! 正當黑煞要行往地下車站時, 一股大力拖住黑煞改往2/F. "Mrs Donut呵!" 紅煞一邊大叫之際發揮佢嘅小宇宙, 瞬眼間己走到食店向店員手指指, 買佢夢昧已求的甜甜圈. " 入口即溶, 極之好味呵! 食到啦! 哈哈哈! 好滿足啊!... ..." 喂未影相啊-_-!!!


來到大阪港17:30，月亮經己出來了。由於近海，又凍又大風，雙殺化身成幪面超人，行去位於market place吃自由軒最出名的蛋包飯 . 然後座日本最大的摩天輪享受吓浪漫的大阪港夜景.


睇 完夜景，差唔多八點，返酒店囉!搭.....市巴士啦!唔使轉車，方便過搭地鐵，而且只係200円一個人咋, 不如試吓囉? 就是咁雙煞係陰暗的巴士站食咗十多分鐘的西北風後, 被準時到站的巴士接走啦! 可能因為是夜晚同埋平日的關係, 唔塞車唔使45分鐘雙煞已經企係梅田巴士站了! 返到酒店, 渣返個靚涼, 明天請早, Goodnight!

p.s.如-有意遊大阪市旅友時間許可的話可考慮搭吓市巴士, 因為佢應該是最便宜的交通工具

東洋追楓手記之一

其實篇文都寫了2年, 現在才有時間將遊記放上Blog, 但相信都未過時. 當時石生石太花朵: 黑紅雙煞!

2006 年10月初，一次不經意的網上行，網友Andy的「忽然一秋」日本之旅，就引起一個超級颱風「暴楓」，據天文台預測，「暴楓」正以時速180公里向東北方 向移動，11月中下旬會在日本大阪京都登陸，為一睹在香港難得一見的「暴楓」威力，一對「黑紅雙煞」決定排期來，來一次追楓之旅。

Target資料?齊，強化裝備?有，拿齊架撐11月29日星期三出發﹝一早7:30趕到巴士站目送架機巴珊珊而去, 有冇咁黑仔啊? 唯有等下一班車啦. 到達機場係國泰個櫃位check in 完成已是08:50, 離起飛只有個半鐘, 攪到雙煞早餐要係麥記攪拈.

10:30 飛機準時開行，正當心理上準備反地心吸力時, 突然一個急停，連引擎都停埋?咦幾秒已到咗日本..... 機上乘客你眼望我眼唔夠二秒, 機長廣播:飛機將於五分鐘後再次起飛. 黑煞面青口唇白地呻吟著: 老婆, 我包驚風散擺咗係邊啊? 10:45架飛機終於再次起飛囉!可能因為途中幾次強烈的氣流的幫助, 居然可以準時在日本時間14:40到達關西空港.

P.S. 無想過cx嘅飛機餐會.....咸嘅!

但是咁咸嘅嘢食食吓竟然有幾位仁兄食到笑咪咪? 係唔係傻口架? 冇幾耐連出口傷人的雙煞都傻笑起上口黎. 食物中毒? 冇錯佢哋以一味美女廚房送飯就攪成咁啦!

過 移民局超快，行李出得有點兒慢，不過有隻可愛Hushpuppy緝毒犬係道行口黎行去做狗展, 等吓又何妨!過海關時, 由於醒目嘅雙煞分開行, 結果紅煞要俾人問:☆Your luggage is new woo! 紅煞立即指住格離線嘅黑煞:I 've another partner over there. 關員望一望, 笑笑口示意可以離開.

雙煞立即走去旅遊詢問處拿資料、買3日關西周遊卷、JR車票去大阪梅田駅，服務員重提供JR將會出發去梅田駅兩個班次的號碼同埋時間俾雙煞, 服務態度真是ichiban!

去 搭車囉，15:24有JR去大阪梅田駅。未行得住，咦等等，差啲唔記得之前做research有綱友話，去關空2/F青木松風庵有超好味嘅士多啤梨和果子 可以醫吓肚先. 嘩有冇咁好食啊? 咁早賣曬? 冇得食添! 點算啊? 當雙煞不停團團轉度橋時, 個賣嘢嘅阿姐好像識聽廣東話咁講咗一個字: Order? 咦可以落Order喎!好嘢!訂12月25日回港當日來拿啦!Domoarigado!

雙煞係未能一嚐美點的情況下行去JR關空搭車. 行行吓 "哇楓葉呀! 好紅啊... ...!" 途中唯一的一棵半禿楓樹就成為這對大鄉里落機後首個拍攝對像啦!

15:50雙煞跳上JR。車窗外一小塊一小塊的翠綠田野、一幢幢只有兩三層高的小樓房、一輛輛小汽車和單車在路上行走，乘客的樣貌都被落日反射在車窗上，令人想起日本動畫-歲月的童話。

望望吓高樓大廈開始越來越多, 天空也彷佛變得細小起來. 大約17:00 雙煞往隻唔算好重的大牛龜係JR大阪駅落車, 去未來六日的安樂窩--第一大阪酒店.

雖然已有心理準備，但間semidouble-room真係好鬼細, 一步入門口, 二步到床邊, 三步已經到窗口了!

放低兩件行李，雙煞就去夜探梅田區四大車站(JR大阪駅、阪急梅田駅、京版梅田駅、地鐵梅田駅)的週邊環境，以便日後行動。

肚仔有啲餓添, 趁百貨公司嘅超市未關門, 衝入去買返啲嘢食返酒店慢慢嘆. 今晚嘅主菜係北海道牛肉Sabusabu, 伴菜是關東名菜章魚丸燒, 再加上炸蟹吉列, 穴子飯等等... ... 100%滿足!


食飽飽睡魔知道明天雙煞要06:30起身, 就不停急Call佢哋啦.

平民飯堂-唯珍上海面家

唯珍上海面家

今晚一邊吃著熱呼呼的唯珍水餃雲吞, 一邊打呢篇網誌, 可能會有小小偏心, 請各位網友見諒.

其實唯珍雖然是面家, 但是我最喜歡的是水餃同埋豬扒豬手飯. 香港都幾多上海餐廳, 而唯珍是比較大件又抵食的.

水餃有一瓣大裝新奇士橙咁大, 可以要求湯和水餃分開上, 加上一碗浙醋伴蒜粒, 雖然吃完後成日都大陣口氣, 但是都要推介.

另外肥而不膩的豬手加上脆口的豬扒伴埋微酸的雪菜, 一定胃口大開. 平時飯量較小的我也能清一盤份量彼大的白飯. 兩樣加埋都是50大元, 真是金融海嘯後的至佳之選.

飯後甜品豆沙窩餅甜度適中, 是少有的佳作之一.

由於個人口味, 覺得酸辣湯較辣和酸, 其他面食因為未吃過所以未能介紹. 如果有網友有資料請留言, 我會註明出處.

石頭記: 小石的心情

剛剛開始寫Blog, 石太見到又幾有興趣. 但是佢用開Yahoo, 所以小石頭就跟做24孝老公跟埋去啦. 點知剛剛搞完一個星期開了十來篇網誌, 收到Yahoo通知要updated. 一去管理的版面, 哇!十幾個寫手個個都話有問題. 有點擔心, 所以浪子回頭先.

投資博客推薦: 會計專材-會計仔

上回講到: 自已經常看的博客, 原來重有一個會計師: 會計仔.

大家唔好睇個名是會計仔, 其實真係幾有料o架, 可以叫會計師傳. 想當年我因為戰續見紅, 都下過一番功夫研究過年報分析, 但是絕對冇會計仔睇得咁通透. 其最經典是去年2月已經話匯豐有問題, 有興趣的話可以睇返: http://accountboyhk.mysinablog.com/?op=Default&Date=&postCategoryId=0&page=4. 不過入面有D內容涉及會計或金融術語及分析, 曾經推介俾朋友話真係幾深.

另外推介有些股票分析的系列, 有板有眼比一些大行的分析報告更容易學到o野: 鞍剛系列: http://accountboyhk.mysinablog.com/?op=Default&Date=&postCategoryId=0&page=2.

太平洋恩利系列及中國自動化系列: http://accountboyhk.mysinablog.com/?op=Default&Date=&postCategoryId=0&page=3

講開分析, 自已去年開始都有用excel做了份報表去分析自已的目標, 但係日日手動updated D data 就真是好花時間. 最後如何解決? 就下一篇為大家介紹.

投資博客推薦: 香港CPA-維斯手記

投資博客的第二炮是香港CPA(註: certified public accountant 注冊會計師) 維斯手記.
初初看到維斯手記是在網上收集410 Soho的資料, 跟住一看舊的網誌不禁地由頭到尾看一遍.

最欣賞維詩的是不斷更新資料之餘加上個人分析, 先不論是否正確, 這樣的網誌才能讓初學者踏上正確的分析之路. 他主要的持股在匯豐, 宏利, 中人壽, 平安. 其他小部份持有昆機, SOHO, 國泰和利豐.

除了以上股票維斯也對不少股票的財務報表和經濟大市有精辟獨到的分析, 可以令新手容易些學習. 極力推介其中會計財技金融知識的分類: http://hk.myblog.yahoo.com/iam-waise/index?l=f&id=28, 新手可以知道甚麼是黃金比率, PEG, IMF等等金融術語和其中的奧妙.

睇返自已經常看的博客, 原來重有一個會計師, 且到下回分解.

P.S. 有朋友問小石頭的網誌標題手記是否參考(抄考)維斯, 坦白講係. 其實十佩配服維斯大大, 想學佢做返個出色的Blog, 所以開始寫Blog時潛意識用了這個標題(並非故意抄襲), 如果有幸維斯大大經過, 千萬要原諒我!!