東洋追楓手記之一

其實篇文都寫了2年, 現在才有時間將遊記放上Blog, 但相信都未過時. 當時石生石太花朵: 黑紅雙煞!

2006 年10月初，一次不經意的網上行，網友Andy的「忽然一秋」日本之旅，就引起一個超級颱風「暴楓」，據天文台預測，「暴楓」正以時速180公里向東北方 向移動，11月中下旬會在日本大阪京都登陸，為一睹在香港難得一見的「暴楓」威力，一對「黑紅雙煞」決定排期來，來一次追楓之旅。

Target資料?齊，強化裝備?有，拿齊架撐11月29日星期三出發﹝一早7:30趕到巴士站目送架機巴珊珊而去, 有冇咁黑仔啊? 唯有等下一班車啦. 到達機場係國泰個櫃位check in 完成已是08:50, 離起飛只有個半鐘, 攪到雙煞早餐要係麥記攪拈.

10:30 飛機準時開行，正當心理上準備反地心吸力時, 突然一個急停，連引擎都停埋?咦幾秒已到咗日本..... 機上乘客你眼望我眼唔夠二秒, 機長廣播:飛機將於五分鐘後再次起飛. 黑煞面青口唇白地呻吟著: 老婆, 我包驚風散擺咗係邊啊? 10:45架飛機終於再次起飛囉!可能因為途中幾次強烈的氣流的幫助, 居然可以準時在日本時間14:40到達關西空港.

P.S. 無想過cx嘅飛機餐會.....咸嘅!

但是咁咸嘅嘢食食吓竟然有幾位仁兄食到笑咪咪? 係唔係傻口架? 冇幾耐連出口傷人的雙煞都傻笑起上口黎. 食物中毒? 冇錯佢哋以一味美女廚房送飯就攪成咁啦!

過 移民局超快，行李出得有點兒慢，不過有隻可愛Hushpuppy緝毒犬係道行口黎行去做狗展, 等吓又何妨!過海關時, 由於醒目嘅雙煞分開行, 結果紅煞要俾人問:☆Your luggage is new woo! 紅煞立即指住格離線嘅黑煞:I 've another partner over there. 關員望一望, 笑笑口示意可以離開.

雙煞立即走去旅遊詢問處拿資料、買3日關西周遊卷、JR車票去大阪梅田駅，服務員重提供JR將會出發去梅田駅兩個班次的號碼同埋時間俾雙煞, 服務態度真是ichiban!

去 搭車囉，15:24有JR去大阪梅田駅。未行得住，咦等等，差啲唔記得之前做research有綱友話，去關空2/F青木松風庵有超好味嘅士多啤梨和果子 可以醫吓肚先. 嘩有冇咁好食啊? 咁早賣曬? 冇得食添! 點算啊? 當雙煞不停團團轉度橋時, 個賣嘢嘅阿姐好像識聽廣東話咁講咗一個字: Order? 咦可以落Order喎!好嘢!訂12月25日回港當日來拿啦!Domoarigado!

雙煞係未能一嚐美點的情況下行去JR關空搭車. 行行吓 "哇楓葉呀! 好紅啊... ...!" 途中唯一的一棵半禿楓樹就成為這對大鄉里落機後首個拍攝對像啦!

15:50雙煞跳上JR。車窗外一小塊一小塊的翠綠田野、一幢幢只有兩三層高的小樓房、一輛輛小汽車和單車在路上行走，乘客的樣貌都被落日反射在車窗上，令人想起日本動畫-歲月的童話。

望望吓高樓大廈開始越來越多, 天空也彷佛變得細小起來. 大約17:00 雙煞往隻唔算好重的大牛龜係JR大阪駅落車, 去未來六日的安樂窩--第一大阪酒店.

雖然已有心理準備，但間semidouble-room真係好鬼細, 一步入門口, 二步到床邊, 三步已經到窗口了!

放低兩件行李，雙煞就去夜探梅田區四大車站(JR大阪駅、阪急梅田駅、京版梅田駅、地鐵梅田駅)的週邊環境，以便日後行動。

肚仔有啲餓添, 趁百貨公司嘅超市未關門, 衝入去買返啲嘢食返酒店慢慢嘆. 今晚嘅主菜係北海道牛肉Sabusabu, 伴菜是關東名菜章魚丸燒, 再加上炸蟹吉列, 穴子飯等等... ... 100%滿足!


食飽飽睡魔知道明天雙煞要06:30起身, 就不停急Call佢哋啦.

平民飯堂-唯珍上海面家

唯珍上海面家

今晚一邊吃著熱呼呼的唯珍水餃雲吞, 一邊打呢篇網誌, 可能會有小小偏心, 請各位網友見諒.

其實唯珍雖然是面家, 但是我最喜歡的是水餃同埋豬扒豬手飯. 香港都幾多上海餐廳, 而唯珍是比較大件又抵食的.

水餃有一瓣大裝新奇士橙咁大, 可以要求湯和水餃分開上, 加上一碗浙醋伴蒜粒, 雖然吃完後成日都大陣口氣, 但是都要推介.

另外肥而不膩的豬手加上脆口的豬扒伴埋微酸的雪菜, 一定胃口大開. 平時飯量較小的我也能清一盤份量彼大的白飯. 兩樣加埋都是50大元, 真是金融海嘯後的至佳之選.

飯後甜品豆沙窩餅甜度適中, 是少有的佳作之一.

由於個人口味, 覺得酸辣湯較辣和酸, 其他面食因為未吃過所以未能介紹. 如果有網友有資料請留言, 我會註明出處.

石頭記: 小石的心情

剛剛開始寫Blog, 石太見到又幾有興趣. 但是佢用開Yahoo, 所以小石頭就跟做24孝老公跟埋去啦. 點知剛剛搞完一個星期開了十來篇網誌, 收到Yahoo通知要updated. 一去管理的版面, 哇!十幾個寫手個個都話有問題. 有點擔心, 所以浪子回頭先.

投資博客推薦: 會計專材-會計仔

上回講到: 自已經常看的博客, 原來重有一個會計師: 會計仔.

大家唔好睇個名是會計仔, 其實真係幾有料o架, 可以叫會計師傳. 想當年我因為戰續見紅, 都下過一番功夫研究過年報分析, 但是絕對冇會計仔睇得咁通透. 其最經典是去年2月已經話匯豐有問題, 有興趣的話可以睇返: http://accountboyhk.mysinablog.com/?op=Default&Date=&postCategoryId=0&page=4. 不過入面有D內容涉及會計或金融術語及分析, 曾經推介俾朋友話真係幾深.

另外推介有些股票分析的系列, 有板有眼比一些大行的分析報告更容易學到o野: 鞍剛系列: http://accountboyhk.mysinablog.com/?op=Default&Date=&postCategoryId=0&page=2.

太平洋恩利系列及中國自動化系列: http://accountboyhk.mysinablog.com/?op=Default&Date=&postCategoryId=0&page=3

講開分析, 自已去年開始都有用excel做了份報表去分析自已的目標, 但係日日手動updated D data 就真是好花時間. 最後如何解決? 就下一篇為大家介紹.

投資博客推薦: 香港CPA-維斯手記

投資博客的第二炮是香港CPA(註: certified public accountant 注冊會計師) 維斯手記.
初初看到維斯手記是在網上收集410 Soho的資料, 跟住一看舊的網誌不禁地由頭到尾看一遍.

最欣賞維詩的是不斷更新資料之餘加上個人分析, 先不論是否正確, 這樣的網誌才能讓初學者踏上正確的分析之路. 他主要的持股在匯豐, 宏利, 中人壽, 平安. 其他小部份持有昆機, SOHO, 國泰和利豐.

除了以上股票維斯也對不少股票的財務報表和經濟大市有精辟獨到的分析, 可以令新手容易些學習. 極力推介其中會計財技金融知識的分類: http://hk.myblog.yahoo.com/iam-waise/index?l=f&id=28, 新手可以知道甚麼是黃金比率, PEG, IMF等等金融術語和其中的奧妙.

睇返自已經常看的博客, 原來重有一個會計師, 且到下回分解.

P.S. 有朋友問小石頭的網誌標題手記是否參考(抄考)維斯, 坦白講係. 其實十佩配服維斯大大, 想學佢做返個出色的Blog, 所以開始寫Blog時潛意識用了這個標題(並非故意抄襲), 如果有幸維斯大大經過, 千萬要原諒我!!

投資博客推薦: 股俠-陸羽仁

說起投資年資, 啊講錯了, 應該是投機年資都有5年了. 其中大部份時間和大部份散戶一樣, 見低就賣見高就買. 財經專家話乜就乜, 買股票唔使思考只要號碼. 戰績當然是---------------見紅!

為了提高自已的投資知識, 參考過不少的書籍, 窮爸爸富爸爸, 彼德林奇, 巴菲特, 格雷厄姆, 東尼等等外國專家的書籍也一個都不落. 跟住有了點成果就以為自已是高手了.

直至一天瀏覽企業CEO的網址, 才發現原來自已是多麼的無知! 雖然到現在自已也算一個半桶水的投資者, 但是始終忘不了在學習過程當中一個個的博客, 無私地將自已的經驗貢獻出來的Blog主.

往日小石頭大多沉默無聲. 今次趁剛剛寫自已的博客, 希望在此也為一些新踏入投資路上的網友們分享下自已的經驗, 介紹下個本地薑和我一直都有參考的博客.

今次的第一炮當然是我投資啟蒙的第一個博客: 企業CEO啦!

記 得好似是06年尾, 第一次看陸Sir的博客, 當時好似是講1成止蝕. 唔好睇少呢一招, 只是這一招就已救過我無數次了. 尤其是新手, 要交好多學費才會有所成, 留得青山在哪怕無柴燒. 如今我每天都會上去瀏覽一次, 風雨不改! 當中有不少熱心的網友願意和新人分享自已的經驗. 如果網友有興趣可以Click我的書簽去學習和交流一下.

.

11月7日美食推介之天下壽司

美食點滴:
今晚在柯仕甸道天下壽司食晚飯, 其實都真係幾好食口架! 極度推介以下幾樣:
1. 海膽花之戀 (海膽, 三文魚和飯的份量剛剛好, 都幾大件, 男仔都好難一口食完, 但是近期成日都無貨-_-)
2. 油甘魚, 真係幾甘香口架!
3. 呢間的南瓜蕃薯天婦羅是每次必點的東西 (唔好以為得三塊咁大把, 因為掛住食, 差點唔記得拍照留念, 食到一半先至記得影相).

其實每間壽司店初次去食都會試蛋壽司, 如果唔好食就會放棄. 因為唔記得好耐之前曾經睇過本書話, 雞蛋和腐皮壽司是基本食品, 如果做得好食的話間鋪頭的水準一定不錯, 所以一直以來都會以此為標準.

店內有吧檯或普通座位, 推介坐普通座位. 如果坐吧檯的話最好坐面對門口或背對門口的位置. 因為剛好面對日本師傅的工作檯, 可以看清師傅一舉一動. 最欣賞師傅像玩魔術一樣在瞬間將一條魚分解為一片片的魚生.