美食分享之幸福潮州酒樓

網誌分類：美食分享 |

圖片

網誌日期：2008-11-20 20:29

俾D老友投訴話我成日講財經, 又成日都係D唔好o既消息, 唔高興!咁我個網址都講o左:Finance排頭, 美食排第二(無錢點食啊?)旅行排第三, 所以網誌的發佈比率都係差唔多.

為o左老友, 暫時將D經濟, 股票, 金融等等的東西拋諸腦後, 先分享下D好o野!

尋今晚約o左好友聚會, 想起山林道間潮州名廚, 所以推薦老友一齊試下好o野. 點知去到先至知道已經換o左第間, 名叫幸福潮州酒樓. 都到o左, 又是潮州菜唯有試下啦!
環境無點改變, 菜式就有D取消o左: 例如烏魚扣(話要3-4日前定唔知係咪冇o左), 豬手凍同埋滷水豬肝, 都冇o左啦.

老友十分幽默, 話師傅刀功一流--片到超薄! 但是味道就真係幾好味.

烙蠔餅

好味!食到蠔o既鮮味(小石頭食野百無禁忌綽號垃圾焚化爐), 但係唔鍾意吃蠔, 唯一會吃o既蠔仔粥同埋蠔餅.

普寧炸豆腐

有臭豆腐o既質感而無o個陣味, 出面脆卜卜, 入面滑律律. 必食精選!

蓮藕湯

個湯D蓮藕怪怪地, 好軟, 同平時食D唔同, 但是個例湯都幾好味, 無乜味精.

呢味叫蝦棗同蟹棗

都真係幾好味o架! 好脆口同彈牙! 每樣4件, 多出來的是剩返的普寧豆腐.

臘味煲仔飯



見天氣凍凍o地, 叫o左差唔多半個鐘其他野食得7788先上, 但是無論賣相同埋份量都係一流值得推介. 唯一抱怨是飯焦冇乜, 半碗都冇.

上湯荳苗

唔知點解有D蝦干送, D荳苗又翠綠又真係幾好食.

今日上去開始時有D想打退堂鼓, 但是好彩俾o左機會呢間新餐廳之余, 都俾o左個機會自已吃好o野. 話時話, 我地四位的食量不大, 大部份菜加埋煲仔飯爆都清晒咁滯, 唔知係唔係天氣凍加埋肚餓, 所以俾的好味指數較高.

間酒樓比較細, 但是招呼唔錯. 可惜當晚另一臺客是上海人, 不停大聲講o野阻住o左睇台慶, 所以環境俾分少o左, 因為地方細好易受其他食客影響.

Waiter serve得唔錯, 當然成晚得2臺客也是原因之一. 可能因為初初搬過來, 佢個位置好偏, 近落柯仕甸路樓梯個邊. 個Waiter姐姐好自信地話是尖東幸福中心搬過來, 話d點心全部係師傳手做唔係大路貨, 睇來要試試飲早茶先.

4個人埋單700. 計埋茶芥6大洋位, 花生同埋酸菜各10大洋.

見美露迪兄的美食推薦格式唔錯, 抄下先

幸福潮州酒樓
環境:
服務:
好味指數：
地址：山林道??號
電話：2311 6622

PS: 因為朋友剛剛得知小石頭寫Blog, 好唔慣要影o左相先食o野, 所以小石頭不斷抱歉之餘, 重要俾人笑. 所以各位網友要撐o下場, 留o下言, 如果唔係俾D老友笑到面黃, 也不枉我辛辛苦苦打字打到手軟.