張記私房菜

上星期日抱住雀躍的心情返石太媽咪家吃飯, 因為佢煮D菜式真係十分好味! (但係好多時要花好多功夫, 所以每次都食到捧住個肚返屋企. 因為實在太好食, 所以忍唔住和大家分享(等你o地恨下)

幾乎次次都少不了的是... ...清蒸時魚(今次是東星斑, 你o地唔恨得咁多o旣啦), 例排一掃而光的菜式. (因為石太同埋石生兩個都好鍾意食清蒸魚, 所以媽咪大部份時候都整蒸魚食. 真係多謝多謝! 但係後遺症就係: 石太唔食出面的蒸魚, 石生就睇情況, 但是出街食魚的時間都係每況愈下!) 試想下每次食親都係滑滑的魚肉, 如果去酒樓食到D鞋型魚肉吃多D都有病啦!



跟住落來係:栗子墨魚腩排炆冬菇(小石頭另至愛o旣食物之係栗子, 大家可能見有D汁在碟邊覺得唔好睇, 其實罪魁禍首就是小石頭囉. 趁大家唔覺意畢o左D聽日Lunch食. 由於心虛o旣關係, 有D手震就搞成咁啦.



o拿呢味估下係咩菜式?

除o左芽菜炒蛋外重有......無錯了就係蟹肉! 想起都!

另外少不了的當然是蔬菜啦--翠綠的芥蘭

其實之前自已煮菜色水成日都偏黃同石太煮o旣有天淵之別, 問親石太都話係家傳. 問媽咪先知, 落D鹽, 落D油煮, 如果想甜D可以落D糖. 咁煮出來的菜又綠又滑又甜囉. 之後大家都識煮啦!

由於無事前計劃, 所以D相係用HTC Cruise順手影o旣, 出來有小小 out focus, 網友請包涵包涵!