投資博客推薦: 財經工具王-銘記

想當初日日update自已份excel的股票file, 由於追蹤的股票不少 (因為我每一個行業除了龍頭股外將大部份有名氣的股票都打上去作為行業平均參考), 再加上自已的打字速度有限, 所以每次到入股價時十分苦惱. 直至某日好似係有位師兄在陸羽仁 陸Sir個論壇Post 了條Link: http://thomaswu0530.blogspot.com/, 學完之後自已做少好多o野.

其實呢個自動updated財經資料的網上電子試算表叫做EditGrid. 佢最好的地方是可以連接Yahoo finance 做自動updated (大約會有20分鐘的delay), 所以設定好後每天只要輕輕鬆鬆匯出D資料就OK啦, 真係新手的恩物.

離題o左題添, 講返點解叫銘記做工具王先. 如果你上佢個Blog會見到一個不停自動update的試算表. 如果link去以下網址 http://www.editgrid.com/user/thomaswu0530/all-in-one.
就會有個好齊全的市場監視表: 包播括恆指, AB股, 世界指數等等, 連美國長債息率, 油價期貨等等無所不包, 真係花了銘記一翻心血. 最難得的是肯無私地拿來和大家分享!

請大家為銘記鼓掌

東洋追楓手記之五

第六天
今天早上9:30點左右搭地下鐵中央線在森宦駅落車, 去大坂城一帶觀光. 久違的太陽伯伯今天終於蒲頭, 全日行程陽光充沛. 通過大阪城公園到達大阪城的天守閣, 先在門外影吓相, 繼而漫步陽光下欣賞護城河畔搖曳生姿的垂柳, 真是人生一大樂事. 在途中遇到一群重裝備的攝影發燒友, 背著超級大背襄, 蹲在腳架前為踏入深秋大阪城拍攝沙龍. 回想當年自已的瘋狂攝影的歲月, 黑煞也受到感染, 不禁不自量力地用手中傻瓜數碼相機希望能以秋天的禿枝為背景加上大阪城做主題, 將秋天的意境表達出來. 可惜所謂:講就天下無敵, 做就無能為力! 相信大家會原諒黑煞在十分簡陋的裝備下拍出一幅唔知想表達乜嘅觀光相囉.



中 午時分, 雙煞已經搭地下鐵到達動物園前駅, 經過錚錚橫町向大阪的地標: 通天閣進發. 途中係間叫八重勝的餐廳抖抖. 排咗15分鐘左右終於可以入座, 店員相當醒目地給了一張有印有中文譯名的餐牌. 雙煞就用十分鱉腳的日語叫想吃的串燒名稱. 如果店員還不明白, 就用隨身帶備的白紙寫給店員看. 本來以為自已日語單字有咁上下的黑煞自信心受到極大的打擊, 埋單後下定決心以後都唔會話俾人聽自已學過日文.


通 天閣一帶充滿著懷舊的氣氛, 可能由於時間尚早本地人和遊客都不多, 所以行得很自在. 行行下已經來到有玩具街之稱的日本橋一帶, 佢哋嘅終極目標是--10米內有個戰鬥力過百萬嘅Gundum模型的Gundum模型專賣店. 搜羅完心頭好, 接著的路線就是行難波-千日前, 道頓堀和心齋橋等潮人必往的大阪勝地. "由天光行到天黑, 腳板底都起泡啦! 當黑煞塊面黑過包公, 並在額頭打出以上字句再加上用萬二匹馬力拖住紅煞, 紅煞才帶著不甘的心情返回酒店.

由於遺失了巨型Gundum和之後的照片, 只好用呢張濫竽充數先

返 到酒店, 雙煞開始面對數日失控買來的戰利品要如何擺放而感到頭痕. 死火!唔知個兩個大牛龜行里箱如何塞入咁多行里呢? 真是箱到用時方恨少! 經過細心的紅煞費盡九牛二虎之力將行里收好, 試試重量黑煞差啲連腰都折斷. 點算呢? 聽日重要拖住呢兩隻Jumbo大牛龜爬上幾級樓梯先到大阪駅, 到時一個唔小心可能會出現搞笑大新聞: 兩名遊客因行里過重, 在上樓梯時... ...! 為了避免發生樂極生悲慘劇的雙煞立即在大阪站週圍搜查, 終於找到一秘道可以搭電梯上去大阪駅.

呢個就是紅黑雙煞住的大阪第一酒店啦.

第七天
今 日要離開日本了, 沒有特別的行程, 只是在梅田一帶逛吓街. 下午1:30鐘, 雙煞利用昨晚找到的秘道, 順利到達大阪駅並登上JR向關西空港出發. 途中在其中一個車站停下來時有一段日文廣播, 唔知講乜東東. 哇搞乜嘢格離架車廂分離完, 突然向後駛離我哋. 正在傍惶時紅煞發現門上有一段指示, 大意是:有部分車廂會分離, 如果要前往關空, 請到1-5號車廂. 咁都無咁驚! 不過啲旅遊書都無寫, 所以唔怪得我哋大鄉里. 喂喂我哋已家係幾號車廂? 唔通啱啱架... ...? 咦? 對面幾個都係拖住大堆行里, 相信都係去機場呱? 淡定有錢剩!雙煞按下惶惶不安的心情等下一個站再做分曉.

到達機場才2:30行吓商店, 食吓小食, 唔覺唔覺時間差不多了, 到2樓的青木堂拿提取預定的士多啤梨糯米糍, 到海關辦理離境手續. 晚上6:30返到香港, 呢次追楓之旅正式結束!

終於寫完呢篇旅行手記啦, 例牌開返個總結會先啦.
黑煞: 首先要多謝紅煞不停地篤促(篤住背脊), 呢篇手記先可以面世.
紅煞: 你講咩話?
黑煞: 有咩? 我冇講過o野
黑煞: 言歸正傳, 由於旅行時都冇想過會寫Blog所以好多時拍Vedio就唔記得o左影相, 又有D相搵唔返, 所以好似有D唔係好暢順, 如果有任何掛一漏萬, 請大家多多包涵. Anyway, 好多謝各位網友肯花咁多時間睇下雙煞的手記.Thanks alot. 希望有機會繼續和大家分享旅行的經歷!

東洋追楓手記之四

第四天

由於昨天是勞動日, 今天紅煞特別開恩放假半天, 黑煞得以苟延殘?下午出發往Blossom outlet大出血. 整個下午在Muji和Edwin兩間商店玩尋寶遊戲玩到樂而忘返, 離開outlet已是夜色初臨. 雙煞又重施故技冒著塞車的危險搭巴士返酒店休息, 幸運又順地回到酒店. 清點完戰利品後雙煞再次出動在阪急梅田一帶揾吃. 終於在一間100円迴轉壽司店內大快朵頤.


第五天再戰京都
重 頭戲是東福寺觀紅, 到達東福寺已是9點多, 估唔到排隊的人龍已有百米, 但是唔使等好耐已可以入場啦. 今日雙煞多咗個伴"陰雲不散", 幸好太陽伯伯不甘寂寞, 間唔中蒲吓頭, 如果唔是真是浪費咗如此美景. 經過東福橋, 好似去了年宵市場, 橋的兩旁被紅黃棕綠四色楓葉包圍著. 好不容易才重這條人頭湧湧的肉橋殺出重圍, 一路不停地謀殺記憶卡將身邊的美景記錄下來.

呢幅相色水唔靚, 有攝影高手在此的話肯定踩! 但是我放張相的原因並非為了降低大家的鑒賞水準, 請留意圖上方的橋內, 呢條就是雙煞歷盡千辛萬苦才擠出的肉橋了.



接 著依照旅遊書的建議行去"附近"伏見稻荷參觀千鳥居, 嘩個作者真是好大整估, 行咗成半個鐘都踪影全無! 經過長途跋涉终於到咗千鳥居了, 由過千間公司捐贈而建成的千鳥居真是十分宏偉. 但由於天色陰暗, 橙紅色的千鳥居拍出來的顏色有點失真, 只好匆匆拍了幾張相就走啦.


12 點半左右搭地鐵轉巴士去金國寺. 終於在日本嚐到塞車的滋味了, 在巴士上呆等了個幾鐘才到金國寺. 唔知點解朋友"陰雲不散"好唔識做咁一路跟住雙煞, 每逢想拍照留念時順便加送落雨贈慶, 令到金國寺變成"陰國寺". 更令人嘔血的是當雙煞一離開金國寺就想起位元堂阿克勤哥唱首歌:--太陽出來了!


由於提前離開金國寺, 成個計劃俾搞到亂籠. 去二條城又唔夠時間, 只好早點搭巴士去河源町的錦市場逛街兼醫肚啦.

錦 小路真係"正", 專賣各種食材, 有日式泡菜, 羅卜, 豆腐, 鮮魚乾... ... 等等, 真是種類繁多令人目不暇給. 5點來鐘有啲肚餓, 雙煞在市場上買咗聞名已久的迷你豆腐Donut. 一邊享受熱辣辣的美食, 一邊逛街. 唔知點解雙煞掛住食o野個陣時成日都唔記得影相.

入 夜後行到八坂神社. 它以驅除厄運, 消除病痛, 興旺生意而名聞日本. 雙煞自然不甘後人, 鳴鐘二下以悠然的鐘聲為自已及所有親朋戚友祈求大家身體健康! 在星光的照耀下, 點著過百盞花燈的燈棚就像一盞大花燈座落在地上一樣令人讚嘆. 從八坂神社的正門望向京都中心的"四條通"街道, 入夜後依然十分繁忙.



行 經四條通時雙煞發現有人排隊, 本著龍的傳人獨有的求知慾--八掛, 黑煞發現有炭燒嘅"串燒3姊妹". 買咗二串來試下. o拿眼看手勿動啊, 等我影返張相先. 哇! 甜甜地加上炭燒的香味真是好味! 望著長長的人龍, 意尤未盡的雙煞只好打消再吃多串的念頭, 打道回府.

東洋追楓手記之三

11月31日星期五，天末光，雙煞經己起床換衫, 匆匆吃完早餐, 然後用咗15分鐘左右趕到阪急梅田駅, 終於趕上07:30開往京都河源町的快急列車. 為乜晨早趕車呢? 且聽下回分解.

雙 煞係又悶又焗嘅車廂內睡了一陣, 到達河源町經已是08:15. 一行出地面, "嘩差人做嘢, 前面架46號巴士咪走啊! "個司機雖然唔識廣東話, 但是被雙煞氣勢嚇到呆咗, 雙煞得以趕上班車. 幾分鐘後, 在"知恩院前" 車站落車, 相信去過京都的網友己經估到雙煞今次的目的地是: 超人氣店鋪" 一澤信三郎帆布".

注:由於"一澤"並冇分店，生產的帆布袋是全人 手製造, 永久保用, 所以成為又實用又有紀念價值的京都手信. 可惜因為產量有限, 商店規定每人限買兩隻, 賣完即止.雙殺當然唔想空手而回，唯有比營業時間早30分鐘(即08:30)到達, 好好彩,可能是平日的關系, 排隊的人不算多, 可以成為第一批入去買貨的顧客. (p.s. 由於店鋪面積較細, 所以每次只容許20人入內)

左挑右選，終於買完，成功!步出商店經己09:30有多，人龍依然好長，各位慢慢等啦!
走先記得漏o左影相添, 只好影o下戰利品俾個位網友恨o下啦.


雙殺收拾好戰利品，搭巴士去平安神宮。平安神宮排列整齊的朱紅色大柱和廣闊的庭園再加上燦爛的陽光以及清新的空氣, 一掃心中的悶氣! 趁遊客唔多先謀殺住啲菲林先.




告 別神宮，11點幾，先去位於銀閣寺附近"鎰富弘" 醫肚., 佢哋嘅蕎麥面真係幾好味. 食飽飽後散吓步先, 大約行咗10分鐘左右的腳程就到了銀國寺. 途經"哲學之道"的起步點. 黑紅雙煞被頭頂上的一片光禿禿的枯枝所嚇呆了, 書籍所介紹的充滿浪漫氣氛的哲學之道去了哪裡? 雙煞只好懷著失望的心情繼續前進.



睇 住呢張相千萬唔好話小石頭扮o野-甚麼後現代攝影......, 只不過請留意倒影中的枯枝, 因為去遲了半個月, 成條扮哲學之道變了禿樹之道. 小石頭當堂無心機, 唯有影o下落葉同枯枝的倒影囉. 所以如果時間許可, 喜歡追楓的網友們最好於十月初至十一月中去日本. 否則學o下小石頭影o下枯枝, 落葉都OK. 如果要睇今年日本楓葉開的情況可以
瀏覽漒以下網址: http://www.rurubu.com/season/autumn/koyo/

通過一條籬笆小道後雙煞進入了另一個世界: 銀國寺. 銀國寺是仿照金國寺而建, 其庭園的"向月台"-布丁狀沙堆在陽光映照下會閃閃生光, 真是十分特別. 在山腰上的展望台可俯瞰銀國寺全景, 在紅葉襯托下真是十分美麗.


離 開銀國寺才是1點了, 原本照計劃要行的哲學之道因景色改變要取消以轉戰清水寺. 搭巴士在四條河源町下車, 由衹園作為起點行經知恩院, 円山公園, 高台寺, 在途中看見得意的南瓜雪糕, 忍不住買了一個試一下, 真是原汁原味的南瓜. 然後繼續拖住疲憊的身軀行上二連坂, 二寧坂兩旁的吸血商店令到無數遊客心甘命抵地將金錢奉上. 在三點左右終於到達我們今天的終極目標: 清水寺了!


據探子黑煞 從售票處得到的情報: 夜遊清水寺的門票要到4:45分後才有售.還有兩個小時的時間要如何打發呢? 由於重裝備在身再加上個多小時的上山行程, 雙煞已經透支了, 只有坐在冰冷的石椅上, 圍上頸巾, 戴上冷帽, 穿上手套, 一邊吃住只有幾度的西北風, 一邊欣賞京都的黃昏景色, 等待夜幕的降臨.



時 間一分一秒的過去, 在清水寺的門前和斜坡的大街上經已被希望夜觀清水寺的人擠了水泄不通. 就好像香港7.1.大遊行一樣非常壯觀. 而身為香港一份子的雙煞, 理所當然地位列前茅. 終於開售門票了, 所有遊客一蜂地湧向入夜後的清水寺. 紅葉和寺院的建築物在射燈的映照下顯得份外迷人. 為免影響夜觀沿途只有淡淡的引路燈指引路途, 雖然如此遊客們都雙眼向天, 雙手高舉(當然不是投降了)拿住手機和相機將如此美景留下紀念的一刻.


一路順住人潮向前行, 接近尾聲時, 肚子開始咕咕作響. 只好在清水寺內的一間餐廳叫了一碗烏東和一桶熱呼呼的豆腐. 真窩心! 真好味!


依依不舍告別清水寺跳上滿載乘客的巴士, 去到河源町一帶. 吃過雜誌推薦的一錢洋吃, 似乎廚師大人落手重咗啲, 味道真是超咸啊!順便行埋花見小路, 真是頂唔順啦, 雙煞只好回歸大阪第一酒店, 明天再見!

東洋追楓手記之二

由於情報顯示11月30日京都嵯峨野小火車只剩即場發售的車票, 所以晨咁早雙煞吃完早餐, 07:15經已出發去京都啦! 大約08:50到達嵯峨野小火車站, 買到09:28出發的指定席, 開心到飛起! 有空檔時間就係附近影返幾張相先!


時 間差唔多，去搭小火車囉!嘩!邊處來咁多人呀!以為返大陸逼火車添, 真係逼爆月台! 唔理咁多啦! 同火車頭影將相先! 嗚!嗚! 開車啦! 每當能夠近距離觀看滿山遍野的楓葉時, 所有車上的乘客就忍唔住嘩嘩聲. 就算有位座都企曬起身, 不惜工本起勢咁影. 影影吓話咁快就到終點站龜岡啦! 落車時在月台有個長鼻天狗同大家影吓相, 跟住係乘客區俾人逼逼吓就出咗車站啦!


遊完龜岡山, 搭JR返去嵯峨野駅開始嵐山之旅囉! 一出站就跟住人潮往外行, 中途見人排隊買小吃, 雙煞又跟住排, 啲炸物又平又好味, 而家想起都留口水! 沿途街道兩旁的食店和手信商店超多, 精美的包裝令人忍不住大破慳囊. 路上車水馬龍, 十分熱鬧. 渡月橋, 天龍寺, 竹林小道, 常寂光寺, 二尊寺等等名勝古跡內鋪天蓋地都是紅橙黃綠色的楓葉, 真是浪漫啊! 行行吓天色開始陰沉, "嘩!落雨啦! 黑煞不如我哋走囉! 出發往大阪港, 好嗎? 好啊! 再見啦嵐山!"






由 於要到JR京都駅轉車, 16:00左右雙煞才有時間到京都駅10/F的寶屋吃拉面, 嘩! 濃郁的豬骨湯底加埋入口即溶的叉燒, 重有半隻糖心蛋嘅真是好好味啊! (有D睇天才小廚師嘅Feel). 食飽飽才有力繼續行程, 出發囉! 正當黑煞要行往地下車站時, 一股大力拖住黑煞改往2/F. "Mrs Donut呵!" 紅煞一邊大叫之際發揮佢嘅小宇宙, 瞬眼間己走到食店向店員手指指, 買佢夢昧已求的甜甜圈. " 入口即溶, 極之好味呵! 食到啦! 哈哈哈! 好滿足啊!... ..." 喂未影相啊-_-!!!


來到大阪港17:30，月亮經己出來了。由於近海，又凍又大風，雙殺化身成幪面超人，行去位於market place吃自由軒最出名的蛋包飯 . 然後座日本最大的摩天輪享受吓浪漫的大阪港夜景.


睇 完夜景，差唔多八點，返酒店囉!搭.....市巴士啦!唔使轉車，方便過搭地鐵，而且只係200円一個人咋, 不如試吓囉? 就是咁雙煞係陰暗的巴士站食咗十多分鐘的西北風後, 被準時到站的巴士接走啦! 可能因為是夜晚同埋平日的關係, 唔塞車唔使45分鐘雙煞已經企係梅田巴士站了! 返到酒店, 渣返個靚涼, 明天請早, Goodnight!

p.s.如-有意遊大阪市旅友時間許可的話可考慮搭吓市巴士, 因為佢應該是最便宜的交通工具