![](http://hk.l.yimg.com/hk.yimg.com/i/icon/16/41.gif)
資料來源: Aastock: http://www.aastocks.com/chi/stockquote/default.asp?symbol=00410
平凡的小石頭鍾意跟風, 百足咁多爪, 瓣瓣半桶水. 心中期望財務自由, 骨子里愛食物旅遊, 一於請各方高手多多賜教! 令小石頭早日注滿這半桶水! 免責聲明:本網頁屬個人網誌,一切言論均為表達本人的個人意見或經驗分享, 無論在任何情況下, 不應被視為買賣之建議或邀約.
資料來源: Aastock: http://www.aastocks.com/chi/stockquote/default.asp?symbol=00410
小石頭呢期去廣州主要係學人地去考察有咩行業值得投資! (嘻嘻! 順便去吃喝玩樂一番, 寓工作於娛樂!) 石太大踢爆: “淨係見佢食都唔知有冇做到功課!”
小石頭當然有做功課啦! 以下係小石頭留意到的地方:
1. 可能因為小石頭去的時候係Weekday, 所以去食野地方的人流明顯少左.
2. 港式酒樓很受歡迎, 好似X香個D酒樓價格和香港差不多 (當然份量多D啦!) 但係依然門庭若市. D員工就好似少左, 但係冇影響到上菜時間.
3. 有D地下街商場生意真係好靜, 據街頭街尾的閒言話今年好多鋪頭都會早放返去過年.
4. 做開批發的商場(尤其坐做香港或外國生意個D), 人流都好似少左. 以前都有見到D外國人地方明顯少得多.
5. 週圍D商鋪都有大減價, 但係就咁睇街上的行人大出血同埋紙袋黨的人不多.
6. 大型超級市場果然係經濟低迷時依然係人頭湧湧, 特別係日資百貨個D. 搞到小石頭都買到成手都係手信同埋野食!
7. 珠寶行業唔似想像中咁蕭條, 都有D人行下.
8. 唔知係埋平日的關係, 睇婚紗用品的人流明顯少D, 但係D有關的新商場又不停咁開.
暫時係咁多, 遲D會講野食!
全球金融市場在聖誕假期期間,處於半停頓狀態。美國的經濟資料進一步轉差,美元走軟,油價回落。筆者認為2009年世界經濟有五大看點。
1)實體經濟惡化到哪一步?金融體系的整體危機似乎已得到紓緩,但是就業惡化和信貸收縮仍在蔓延,仍置實體經濟于高風險狀態,造成消費萎縮和盈利倒退,並可能誘發巨型企業倒閉。
2)財政擴張能否拉動增長?針對民間的“去杠杆化”,各國政府紛紛推出巨額的財政刺激計畫。這些措施能否在下半年推高GDP增長,重啟民間經濟活動,值得關注。
3)美元是否轉弱?聯儲的零利率政策已經將美元由升值拉回貶值。但是隨著越來越多的國家走入零利率區,美元前景變得不可捉摸。美元走勢不僅影響自身GDP,而且牽動商品價格。
4)新興市場會否爆出危機?能源和商品價格暴跌,使許多資源輸出國財政大失預算。同時資金外流、舉債困難、出口下降。新興市場正處在近十年來罕見的困難時期,一些危險徵兆開始浮現。
5)油價難道要到20美元?我以為40美元左右就算合理了...
資料來源: 陶冬博客: http://blog.sina.com.cn/s/blog_467a66b00100bckx.html
冬節臨近,天文台話氣溫驟降,
賞賞自己,先去"史打拔"買杯冬季特飲…鮮奶姜汁咖啡勁加cream嘆一嘆先。
唔知點解,做左咁多年人都仲係食古不化,
梗係覺得聖誕節係要買d禮物先開心,
唔通…依d真係女士們既壞習慣。
然而…依d壞習慣,係唔會受到金融風暴加海嘯既沖擊,百毒不侵,
但咁樣並唔代表荷包裡面係有錢既。
正所謂,唔買都睇下,冇錢買都摸下丫…
---------------------------------------------------------
想想今年買d咩,做d咩好呢?
- 早兩日為左乙水朋友歡喜,由幫佢選禮物去公司派對變左各自買多份禮物同佢美其名咁交換,等佢收到心頭好。
- 收到同事甲送既聖誕咭,但我又好唔好送返俾人呢?
- 不如買好味既馬沙朱古力俾公司同事丫,之不過感情唔係咁深而且如果請d咁好味既朱古力,好似浪費咁喎!
- 第一年係依間公司過聖誕,聽講係24號下午會有個聖誕派對,礙於我地係服務中心,所以前線員工既辦工時間,都要經上司安排!
(自 從之前八號風球見不到上司有為前線員工爭取福利後,其實我們都已經冇打算靠佢,畢竟做得客戶服務,提供服務係應該既,有冇特別安排可以早走係bonus, 不過我一直想放長雙眼睇過新上司安排,發現…原來好差囉!連一二句將心比己既安慰說話都冇不特止,仲要另外一個team既上司幫我地問,一個可以簡單既決 定,佢話要問下上一手喎!然而,夠膽叫我地出個notice,話俾人知我地會早收,點解?因為要開聖誕party囉!當然,做左咁多年人為免俾痛腳人地 捉,我地梗係決定把notice既內容化繁為簡。不過對上司就好失望喇!)
- 聽講男友阿哥諗住請佢新女友食聖誕大餐同幾千蚊既電子產品,雖然我唔知佢女友送返d咩俾佢,但今年都係我同另一半既第一個聖誕,唔知會點過呢?
曾幾何時,我都好懷念以前既聖誕節,但畢竟人物,時間,地點…全部都唔同,根本唔可以混為一談。
然而,要求收穫先必須先要付出(但付出未必一定等如有收穫架喎!)
自問今年既聖誕已經預先送左一條溫暖牌頸巾,諗住正日再送左份小玩意!
人與人,比死人…兩個人既關係唔應該建立係物質上高,亦不能因價格去衡量(但如果有就最好啦!)
- 今年既聖誕佈置好靚,如果度度去影相,去咁多日街都唔夠影呀!
- 這個節日…係依個人情涼薄既社會裡加添一點暖意,不妨同身邊既人講句︰"聖誕快樂!" 我諗三唔識七都會因為咁而開心d呀!
- 最後,多謝公司提早出糧,好讓我有一個水源充足的聖誕節!
p.s 多謝上年平安夜陪我過的大哥,今年小妹唔陪你啦!你自己去happy啦!聖誕快樂!千其唔好唔記得買禮物俾我呀!
野蠻郡主 的 聖誕交叉blog:
大家如果對呢位假野蠻, 真性情的郡主的文章感興趣的話, 請瀏覽以下網址:
各位網友, 親朋戚友: 聖誕快樂!! Merry Christmas!!
自從上幾個星期豪完幾餐後, 小石頭下定決心要開始搵返D平靚正的餐廳, 因為: 話晒都金融風暴, 俾人話侈奢o窩! 要儲錢買多D現金流返來囉!
平民食堂系列正式起動, 今次目標係套餐價格低於30元的餐廳! 當然係呢個價位大家就唔好對質素期望過高啦!
平民食堂系列之苑記粉麵
記得有一段時間在佐敦到油麻地一帶苑記都有幾間分店, 如今好似只剩下白加士街的分店, 記憶尤新的係苑記D辣椒油都幾辣, 所以係辣椒油罐上面提醒客人: 小心辣油過辣! 重有5隻紅椒添! 小石頭最喜歡吃辣, 呢個辣油係吸引小石頭去食的主因素之一.
當時小石頭最喜歡食的係牛沙瓜! 牛沙瓜係乜東東呢? 小石頭抄錄網上收集的解釋俾大家參考下: 牛是吃草的反芻動物, 胃有四室, 分別是瘤胃、網胃、重瓣胃和皺胃, 皺胃又叫做真胃, 是真正用來消化食物的部份, 做成牛雜後就稱為牛沙瓜或牛傘肚. 牛沙瓜個形狀和質感都和豬肚好近似, 小石頭都好鍾意食豬肚, 所以成日都想叫牛沙瓜河食! 不過一隻牛得一副胃, 所以唔係成日有得食o架!
一聽牛沙瓜, 阿姐連眉都皺埋, 跟住叫: 師傳有冇牛沙瓜? 應該冇呵? 點知今次都幾好彩, 師傳話: 有啊! 跟住個阿姐唔知做乜, 黑起塊面寫完單丟在台面就行開去了.
沙瓜就不評論啦, 因為個人偏好嗎! 個河粉就真係麻麻地, 好鬼容易斷, 成碗粉食食下斷到要用匙羹幫手.
另外一天叫了坑腩幼面, 個面都幾彈牙, 又冇乜鹼水味, 下次都係叫面好過河粉, 雖然小石頭較為喜歡食河粉. 坑腩又真係唔錯又稔又有牛味, 有D似半肥瘦叉燒咁, 加埋肥個Part都幾滑, 如果太瘦就十分黐牙.
奶茶就幾好, 有奶味又有茶味, 配搭得天衣無縫, 我鍾意!
環境都係油麻地啦, 不過食得面來時間都唔會長, 就將就下囉! 服務方面都係中游水平, 不過不失. 食物水平則保持中上, 大部份面食係21個大洋左右, 有叫野食飲品就加六個大洋就OK啦.
環境:
服務:
好味指數:
地址:白加士街近柯士甸個頭