呢期小石頭非常之忙! 忙住播種! 開始慢慢Update 返D美食先.
美食分享之石澳馬拉松燒烤大賽! 外加南區堆沙大賽花絮!(上集)
(嘿嘿笈少您都搞上下集搞得多啦, 等我又學返兩招徬下身先!)
閒話休提, 話說今次係張家私房菜掌門人招集的一年一度馬拉松燒烤大賽, 參賽選手有: 大食家: 浪人, 閹尖食家: 史路比, 跑鞋專家: 阿健, XO醬專家, 神龍見首不見尾的富貴食家: 聖誕玲, 同埋初級食家: 小石頭伉儷.
點解叫馬拉松燒烤大賽? 最長記錄係由早上10:00開波直到19:30, 成九個半鐘o番, 呢D唔叫馬拉松叫咩? 今次馬拉松大賽多得掌門人和專家, 晨早起身準備D美食俾我地:
肉類:
1. 香茅豬扒同埋香茅雞翼: 清香的香茅醃埋好似係度食緊越南風味!
好彩開頭影定, 連骨都冇得剩!
燒雞呀翼我自細鍾意食!
2. 羊扒及牛扒: 弊家伙! 濃厚的羊扒同埋牛扒掛住食唔記得影.
3. 三種腸: 加長版煙法蘭克福腸, 超級好味芝士腸, 重有就係蟹子雞肉腸.
據掌門人介紹,係Sogo買, 唔係成日有得買o架!所謂加長版真係加長版, 長過叉身三份一! 呢個就係小石頭第一個燒的東西, 似唔似勝利手勢!
蟹子雞肉腸, 轉眼間已經冇啦, 連相都食埋!
估唔到三種腸當中最受歡迎的係: 芝士腸! D芝士溶左係D肉度, 嘩已家想起都流晒口水!
海鮮類:
1. 大蝦碌及多春魚
燒完都長過燒烤叉的蝦碌, 你話大唔大啦? D蝦膏多到成隻蝦都染紅! 不過唔係紅籌股!
2. 重有笑口魚蛋, 間野D丸賣晒, 得返魚蛋!
蔬果及零食
3. 栗米以及日本蕃薯
香甜的栗米!
糖心蕃薯!
4. 面包加棉花糖
十分識食的掌門人特登整左兩塊面包頭
無錯! 呢粒燒得剛剛好的就係棉花糖啦!
5. 鹽水花生
口痕, 吹水時必備!
話得係食家, 點會咁簡單, 下面就係超級另類美食:
1. 小石頭最鍾意的美食之一豆豉大眼雞, 淡淡的豆鼓和大眼雞夾到唔識形容, 唔好意思一人唔覺唔覺食左接近兩條! 食到一半先記得影相, 唔好意思!
2. 大隻過燒春雞的乳鴿.
嘩! 報告!報告!隔離個兩條埋係蟹子雞肉腸囉!
3. 新鮮好味車厘茄, 可以補充下d維他命.
4. 勁大塊鮮美無比的鱔段肥厚到出汁
掌門人密方醃制, 食到停唔到口!
5. 黃芽白加埋新鮮的蜆煮出來清甜到你唔信!
由於d野食太多加上戰情混亂, 重有參賽者不停偷走去參觀堆沙比賽, 所以比賽無辦法繼續. 今次結果當賽和, 下次再繼續!
真係好飽, 飽到第二日小石頭到晚上都食唔到野!
PS: 由於每篇文章只能放20張相, 所以篇外篇: 南區堆沙大賽下篇繼續, 請密切留意推出日期!