小石頭手記: 2008年12月20日

石頭記2008聖誕-世貿篇

呢期見D網友帶我遊左好多唔同商場的聖誕燈飾, 禮尚往來, 我又帶大家遊花園, 啊唔係講錯, 係遊世貿欣賞下琉璃繪!

話說小石頭有事到世貿一行, 做完野週圍望下D燈飾睇下D網友應該係咩角度影得咁靚呢? 落扶手梯時見到有人係玻璃度塗鴉,

本著同情心差D想俾幾蚊佢飲茶, 行埋去見到佢身上好似掛住一個世貿中心的牌. 小石頭心想好彩眼尖, 如果唔係俾人笑到面黃. 見到佢畫得咁入神, 小石頭乘機抽部機出來影返幾張, 等我返去搵D讀呃錢的Fans 問識唔識佢先. (至於點解會有相機? 日日都帶住o架啦!)

十分八掛的小石頭週圍搵下呢位咩料咁巴閉, 世貿D人又放任佢係度亂畫(雖然小石頭冇讀過呃錢, 但係都覺得佢畫得幾靚). 落到地面睇下先知: 原來就係韓國琉璃畫劃到出晒名的NANAN! 望返D介紹原來係韓國好出名, 韓國好多公司好似W Hotel 、Samsung雪櫃, 甚至外國雜誌Vogue與Bazaar也可看到她的手筆。

據資料介紹: Nanan醉心玻璃，這一次受世貿中心之邀來港，除了預先畫好的聖誕樹、供遊人免費拍照的小幅玻璃畫, 重頭戲就是由今天起一連20天, 在世貿中心的玻璃圍欄上盡情畫畫,「我從不作草稿, 只要看見合眼緣的玻璃, 不論大小我也會情不自禁地畫. 如此作畫模式，最大挑戰就是體力，但我真的很喜歡陽光穿透玻璃畫的一刻!」唔怪得佢畫個陣真係全神貫注, 我地行經, 偷拍都冇反應啦! 睇完資料, 想行出世貿又見到佢係另一幅玻璃劃緊, 又影多幾張先!