美食分享之妹記燕窩甜品專門店
星期六小石頭中午和石太兩個, 週圍搵地方食午餐, 發現附近好多餐廳都關門大吉, 其中不乏一些質數較好的餐廳, 睇來金融風暴的影響開始越來越大, 不過都係要搵地方食午飯.
行經永安隔鄰的宏利中心對面有間妹記燕窩甜品專門店, 有時夜晚見都幾多人吃, 終於都可以試一試啦!
入到去個環境和裝修都還可以, 一邊的墻上有一排香港的舊照片, 一盞舊式的壁燈再加上舊式的卡位設計, 都幾有懷舊色調. 可惜這樣的卡位只有兩個, 其他全部是木凳加雲石臺的設計, 坐上去無咁舒服.
講返野食, 今日試下煲仔飯套餐($30免加一)先: 窩蛋牛肉同埋臘味煲仔飯, 飲品係凍羅漢果和熱芝麻糊. 兩個煲仔飯的外形已經麻麻地, 個人覺得砂煲煮得會較好食, 如果用鐵煲就覺得較差了. 果然不出所料, D材料例如牛肉同埋臘味都OK, 但係D飯就好似食緊飯糊!Very poor!
講返飲品, 唔知點解D羅漢果漿都未溶就上俾客, 小石頭不停攪了2分鐘都重有一大達未溶. 個芝麻糊就不過不失啦 (不過因為食完煲仔飯, 無心機!所以連相都無影)
自我檢討: 睇來小石頭係有D失策啦, 係甜品鋪叫煲仔飯真係九唔搭八!以後都係食甜品啦!
妹記燕窩甜品專門店
地址: 油麻地永安側
服務:
好味指數:
P.S.: 以上好味指數只係就小石頭食過的食品作出的私人評價.
沒有留言:
張貼留言