美食分享之台灣面

美食分享之台灣面

話說小石頭搞到石太整曲奇唔得閒做午飯, 於是乎唯有出去食啦! 行經台灣面的鋪頭被佢簡潔又舒適的裝修同埋門口蔡瀾推薦個金牌吸引左入去. 其實最重要係石太話好久無食柯仔面線, 想試下.

個環境都幾舒適, 但係最好坐卡位, 可惜去到時已客滿. 只有影側邊無人的臺.


講開飲品, 小石頭是奶茶迷, 所以每天最少一杯凍奶茶! 呢度D台灣奶茶滑就滑啦, 不過無乜茶味.



柯仔面線到!


石太覺得麻麻地, 的柯仔軟琳琳, 成碗面線好似食緊街邊D碗仔翅, 但係好咸!

小石頭自已就叫五香牛腩飯!


都幾OKo番, 小小辣, 加埋D好琳的牛筋牛腩真係幾開胃, 最鍾意係有菜, 咁先至夠勻衡!
個飯有D魯肉碎係面, 一齊食真係好惹味!

飯後檢討:
環境唔錯, D椅坐得幾舒服 (如果卡位相信更正), D人招呼得都幾快, 上菜時飯菜都重係熱o架. 總括來講, 唔好叫柯仔面線, 其他野OK. 都會返轉頭試下其他款式.
兩人埋單, 一個套餐加個面線承惠63個大洋!

環境:
服務:
好味指數：
地址：白加士街??號, 近柯士甸道個頭.