發表文章
無辦法唔提Face Book, 今期遊戲是香港股神. 話說朋友Send左個Invitation俾我, 叫我試下.
規則: 每人有10000大元開戶, 之後可以邀請朋友加入, 每個朋友加入會有100元收入和一分名氣. 另外由於資料根據Yahoo的報價, 因此為了避免有即時報價的偷雞, 所以每隻股票買入或賣出後15分鐘內不能買進或賣出.
另外香港版可交易時段為早上10:30到下午03:30 (返工只可偷偷地玩
)並且只能買賣編號1至4396內的股票.美國版就晚上11:00至晨早04:30 (睇來要溫下美國股票的號碼
), 限制是只能購買納指100成份股.非香港或美國可交易的時間可以玩外匯, 包括美元, 日元, 新台幣, 人民幣, 歐羅, 英鎊, 瑞士法郎, 澳幣, 加幣和紐幣在內十大國家的外匯.
如果朋友手痕, 或想睇下自已有無投資或投機的天份? 試玩下無妨! 不過現在正在測試當中, 相當不穩定. 11月27日正式版上了再玩.這個遊戲可以說是投資或投機新手上佳的練級基地!
真係佩服構思呢個遊戲的公司, 市靜的時候大家可以玩下呢個遊戲放鬆下都好!
真係遊戲如人生, 人生如遊戲!http://apps.facebook.com/hkstockgod/index.php
沒有留言:
張貼留言