張記私房菜之2

又返張家食飯! 嘻嘻! 又到你地有得睇冇得食時間啦!

今次得三個人, 所以掌門人淨係做左兩菜一湯. 唔好睇小呢兩菜一湯, 都唔少野o架!

噹噹噹第一味:

大家唔好以為魚鬆炒白菜仔好簡單, 呢個魚鬆係新鮮鯪魚, 斬成肉泥, 所以唔少功o架! 咬落去除左魚的鮮味外重有D汁, 好 Juicy的感覺. 掌門話: 先煎香左, 剪成塊狀, 炒埋白菜仔再煎多次! 所以真係好香口o架!

噹噹噹第二味:

小石頭另一至愛菜式!會自已估啦! 唔介紹啦! 淨係拿D汁撈飯都可以食一餐!

好貨沉歸底: 超級滋補湯:

估唔到係咩呢?茨實, 淮山, 龍眼, 海螺加鯊魚骨! 據掌門人話, 呢D鯊魚骨係靚野. 平時煲鯊魚骨湯, 煲到骨還骨, 湯還湯, 但係今次特登係上環上欄買的貨, 煲完好多骨都溶左落湯度! 第一幅圖就係剩下為數不多的鯊魚骨啦!

唔覺唔覺就咁飲左三大碗啦! Yummy!