美食分享之鳳城酒家

今次掌門人再度招集, 踩上鳳城酒家嘆懷舊點心, 小石頭伉儷先行出發霸位. 本來以為好多人要等位, 點知一入去就拿到位. 小石頭歡天喜地等埋其他食家蒲頭.

一埋位唔好講咁多第一件事先拍返張茶具照 (嘻嘻, 各位如果進餐時見到有D茂利唔停咁對住D野食或擺設不停咁影相, 請勿少見寫多怪. 這就是博客症後群, 一般患者輕則每樣東西拍一兩張, 重則唔講了都未到點知啊?). 開始我地懷舊點心之旅:

以下之先後次序絕對係以小石頭之喜好及推薦之強弱排列, 包尾個樣可以不理或可以用任何個人的愛好代替.

1. 懷舊第一精選推介: 魚翅灌湯餃

如果去鳳城必試之一, 據市井傳言因做工繁複, 所以依家變左湯灌餃. 雖然湯汁比起一

般的灌湯餃少好多汁, 但見唔見左上角的魚翅啊?

2. 懷舊第二精選推介: 蛋煎糯米

咁多樣里面小石頭最喜歡呢個, 外面香脆, 入面煙韌再加上底個陣薄薄的雞蛋香, 到依家都回味無窮.

3. 懷舊第三精選推介: 焗西米布甸

因為石太的極力推薦(), 所以上升一位名列三甲!
石太云: 算你識做, 如果唔係……!

4. 馬拉糕:

好彈! 用手撳落去會好快彈返上來! 有D似M&M廣告: 味道可口, 入口即溶.

5. 高湯炸粉果:

炸得火候很好, 又係個句又香脆又煙韌囉!

6. 蜜糖叉燒包: 中中挺挺, 不過D料好少, 同埋好甜!

7. 鴛鴦臘腸卷:

鍾意臘腸的朋友, 千祈唔好忘記!

8. 炸魷魚鬚: OK

9. 鮮蝦香茜餃: OK

10. 芝麻流沙包: 唔流沙的流沙包可以不理.

餐後檢討:

有好多舊式的飲食文化已經逐漸消失, 因為個人比較念舊, 所以大家可以無視以下評價, 想回憶或懷舊的朋友不妨一試.

環境:
服務:
好味指數：
地址：銅鑼灣明珠戲院附近