美食分享之千襾壽司

美食分享之千襾壽司 27-11-08

呢期忙, 好多美食未分享, 下個星期會補多D啦!

今日決定去吃好D! 搭車去圓方廣場的途中居然碰上塞車, 由裕華到圓方條5分鐘可以到的路,塞了足足20分鐘才到.

未去之前心想現在經濟環境較差, 應該不會要等位吧? 行到千襾見到有人排隊就知道有點麻煩了, 好在只是等十多張台. 在等的過程中小石頭不停用部HTC Cruise 四圍影相打發時間, 轉眼間就到我0地囉!

呢次是小石頭第二次係千襾食, 例牌先試的就是玉子厚蛋, 小石頭覺得食咁多間日本壽司, 千襾的玉子厚蛋最好味! 暖暖的玉子不太甜, 加上有點汁和蛋香入口令人回味無窮!

跟住係新鮮肥美的章紅和油甘魚! 飯和魚的大小比例適中, 又係美味無比! 點解油甘得一客因為小石頭等唔切, 先食為敬!

身為香港人, 有好多人都喜歡食三文魚, 小石頭也不例外! 一口氣叫了三文魚和炙三文魚每樣兩客! 炙三文魚有點羅卜蓉和幾粒魚子, 配搭十分出色! 有朋友問千襾和元氣的分別, 而家話俾你知啊: 淨係三文魚的厚度, 肥美度, 再加上壽司的鬆緊度和酸度, 兩者都相差好遠!

跟住落來是油漬吞拿魚, 不過不失, 不會太咸.

魚類食完, 飲杯茶, 清清個口先. 不過呢度冷氣真係好凍, 唔怪得D環保團體係咁轟佢地浪費啦! 返返正題, 先來一客北海道螺片, Yeh! 好爽啊! 唔好睇個樣麻麻地, 忍唔住返叫! 直得推薦俾大家.

試埋個北寄貝, 一大一小差距都幾大, 成個子母壽司咁款. 都係唔錯, 有北寄貝的鮮味和咬勁, 但係無螺片咁爽囉!

在天下吃唔到的海膽, 終於都可以食到啦! 淺黃色的海膽雖然細左D同埋味道不濃, 勝在但是鮮甜無比!

三文魚子比起天下更勝一籌, 比較新鮮, 不過紫菜就唔得脆!

炸蝦壽司都唔錯, 熱熱地加埋幾香口, 不過真係要選剛出不久的, 凍左就油麻地啦!

食飽飽, 食D甜品先, 叫返客炸甜薯, 不過冇想像中咁脆!

點算戰績, 兩個人食左17碟, 都幾多下!

飯後檢討:
環境好凍, 下次一定要著多D衫先來. D椅坐得麻麻地舒服, 要試下卡位先得. D人招呼OK囉, 唔快又唔慢. 總括來講, 食物水準和價格都比較高, 兩人埋單接近400大洋! 都幾肉赤!

環境:
服務:
好味指數：
地址：圓方廣場 (如果唔知係邊就真係幫你唔到!)

P.S. 估不到的是部HTC Cruise的影相都見得下人, 間唔中Out Focus係常事, 當然冇其他網友影得咁Pro啦! 技術唔夠, 誠意搭救.