美食分享之東來居

上星期五係小石頭的超級食家大大: 浪人的生日, 因此閹尖食家史路比推薦去試下間森美小儀介紹的餐廳打邊爐-東來居. 主角當然要到啦! 同行者有張家私房菜掌門人, 史路比, 石生伉儷, 一行五人浩浩蕩蕩出發!

去到餐廳都Full晒, 就算定左位都要等! 望週圍的環境比較摩登, 都唔似係邊爐店. 等左三個字到啦, 終於到我地啦. 未叫野之前Waiter拿左14款不同醬汁給我地自已挑選, 好有泰豐樓混醬Feel! 不過就擺放得比較乾淨同企理.見到東來居的印鑒上書: “紫氣東來” 見幾過癮, 就手多多地影了張相.

好Out focus 都要拿出來因為係特色之一. (請千萬不要放大睇)

跟住叫左魚湯加莞茜皮蛋,都唔錯, 唔腥! 幾有魚味!

其他材料如下:

本地肥牛: 一碟有兩種唔同的部份肉類, 一邊脂肪較多, 一邊脂肪較均勻. 不過價錢太高, 份量不足! 有幾間食開的都好過佢!

鱔魚片: 幾好食, 又脆又薄, 很鮮味, 沒有一般鱔魚片個種淡淡的酸味.可以推薦的食品之一

九層塔柯仔餃: 好食! 可以推薦的食品之二! 小石頭不太喜歡食蠔類的都想食多粒!

鮮蝦雲吞: 好好味! 必叫精選之一, 入面的蝦子令到蝦味更濃郁, 蝦就好鮮味同彈牙!

枝竹: OK囉. 不過不失! 所以冇影

肥牛粒: 可以推薦的食品之三, 幾有牛肉味! 脂肪都幾均勻, 都幾好味!

牛胸油: 可以推薦的食品之四, 開始以為都幾肥, 入口牛味濃郁, 不肥不膩, 不過怕肥者免問!

墨魚滑: 好好味! 好爽! 好滑! 有蝦醬附送, 不過個人覺得唔落可以食到墨魚的鮮味! 必叫精選之二

魚唇: 好好味! 如喜歡軟熟的朋友可以煮耐D, 鍾意爽滑的朋友煮一陣就得啦! 必叫精選之三

黑牛柏葉: OK! 爽! 彈牙!

估唔估到係乜?

新鮮淮山, 都幾粉!

送的生果拼盤, 都幾好食!

同場加映兩則笑話:

最搞笑係叫Waiter加湯, 佢週圍問人, 卡2個煲咩湯來O架? 問左幾次都冇人理佢, 真係想直接話俾佢聽: 是魚湯啊! 從此知道個位係卡位2號!

想叫肚尖冇貨! 想叫烏魚扣又冇貨! 想叫多碟九層塔柯仔餃都係冇貨! 唔知邊個伯母開的餐廳?

餐後檢討: 5人埋單1K, 飽唔親! 餓唔著! 價格偏高, 碟碟野都幾骨緻, 大食者勿念! 喜歡刁鑽野食又或同埋名人一族的朋友可以一試! 如果你係追星一族的話, 恭喜你! 你找到組織了! 當晚有吳詠X! 袁靚X啦! XXX啦! 全部都係浪人同埋張記私房菜掌門人發現的! 小石頭掛住食同埋影相, 天王來到都唔得閒理! 職員忙住招呼名人, 雖然有禮, 但係好唔得閒. 個部長就斯文有禮, 口才了得, 但係只有入席時同埋單先曉蒲頭. 環境理應幾靜, 因為位置偏僻, 但係最近好紅, 相信要過一輪才會回復寧靜.

環境:
服務:
好味指數：
地址：灣仔王子酒店.

P.S. 以後都唔會在剛剛出完電視節目就去試, 因為平時可能冇乜人, 突然間多人起上來招呼唔會好得去邊! 同埋D材料又係叫乜冇乜, 師傳好難預是也! 所以去到冇人又招呼好的朋友勿怪!