聖誕交叉 blog之郡主手記

冬節臨近，天文台話氣溫驟降，
賞賞自己，先去"史打拔"買杯冬季特飲…鮮奶姜汁咖啡勁加cream嘆一嘆先。

唔知點解，做左咁多年人都仲係食古不化，
梗係覺得聖誕節係要買d禮物先開心，
唔通…依d真係女士們既壞習慣。
然而…依d壞習慣，係唔會受到金融風暴加海嘯既沖擊，百毒不侵，
但咁樣並唔代表荷包裡面係有錢既。

正所謂，唔買都睇下，冇錢買都摸下丫…

---------------------------------------------------------

想想今年買d咩，做d咩好呢？

- 早兩日為左乙水朋友歡喜，由幫佢選禮物去公司派對變左各自買多份禮物同佢美其名咁交換，等佢收到心頭好。

- 收到同事甲送既聖誕咭，但我又好唔好送返俾人呢？

- 不如買好味既馬沙朱古力俾公司同事丫，之不過感情唔係咁深而且如果請d咁好味既朱古力，好似浪費咁喎！

- 第一年係依間公司過聖誕，聽講係24號下午會有個聖誕派對，礙於我地係服務中心，所以前線員工既辦工時間，都要經上司安排！

(自 從之前八號風球見不到上司有為前線員工爭取福利後，其實我們都已經冇打算靠佢，畢竟做得客戶服務，提供服務係應該既，有冇特別安排可以早走係bonus， 不過我一直想放長雙眼睇過新上司安排，發現…原來好差囉！連一二句將心比己既安慰說話都冇不特止，仲要另外一個team既上司幫我地問，一個可以簡單既決 定，佢話要問下上一手喎！然而，夠膽叫我地出個notice，話俾人知我地會早收，點解？因為要開聖誕party囉！當然，做左咁多年人為免俾痛腳人地 捉，我地梗係決定把notice既內容化繁為簡。不過對上司就好失望喇！)

- 聽講男友阿哥諗住請佢新女友食聖誕大餐同幾千蚊既電子產品，雖然我唔知佢女友送返d咩俾佢，但今年都係我同另一半既第一個聖誕，唔知會點過呢？

曾幾何時，我都好懷念以前既聖誕節，但畢竟人物，時間，地點…全部都唔同，根本唔可以混為一談。

然而，要求收穫先必須先要付出(但付出未必一定等如有收穫架喎！)
自問今年既聖誕已經預先送左一條溫暖牌頸巾，諗住正日再送左份小玩意！
人與人，比死人…兩個人既關係唔應該建立係物質上高，亦不能因價格去衡量(但如果有就最好啦！)

- 今年既聖誕佈置好靚，如果度度去影相，去咁多日街都唔夠影呀！

- 這個節日…係依個人情涼薄既社會裡加添一點暖意，不妨同身邊既人講句︰"聖誕快樂！" 我諗三唔識七都會因為咁而開心d呀！

- 最後，多謝公司提早出糧，好讓我有一個水源充足的聖誕節！

p.s 多謝上年平安夜陪我過的大哥，今年小妹唔陪你啦！你自己去happy啦！聖誕快樂！千其唔好唔記得買禮物俾我呀！

野蠻郡主 的 聖誕交叉blog:

小石頭評: 你真係好直爽同埋感性o番!! 希望應該要睇到的人睇到呢篇文啦!

大家如果對呢位假野蠻, 真性情的郡主的文章感興趣的話, 請瀏覽以下網址:

http://vanityfairhk.blogspot.com/

P.S.: 感謝鐵鎚兄抽出寶貴時間安排呢個有趣的博客互動遊戲! Thank you!!

各位網友, 親朋戚友: 聖誕快樂!! Merry Christmas!!

我篇文呢? 大家唔好搵啦, 見到就有鉛氣油, 見唔到就算..........罷啦!